Spitali Einsiedeln

Spitali Einsiedeln, Spitalstrasse 28, 8840 Einsiedeln. Dritarja për bebe në Einsiedeln është një projekt i përbashkët i spitalit të Einsiedeln-it dhe i Ndihmës Zvicerane për Nënën dhe Fëmijën (SHMK).

Si të veproj?

Shkon me nxitim drejt dritares për bebe, pa u dalluar se kush është.
Hap me kujdes dritaren dhe e vendos foshnjën brenda saj.
Kjo nënë dëshiron që t'i vendosë dhe një emër foshnjës: "Sara"! Për këtë arsye, ajo lë një letër pranë foshnjës.
Edhe një shikim i fundit, a është gjithçka në rregull? Shpreson se gjithçka do të shkojë mirë!
Ajo e sjell Sara për kontrollim në dhomën foshnjore. Këtu foshnjës do t'i ofrohet kujdesi i duhur. Pas disa ditësh do të ketë edhe prindërit strehues (kujdestarët). Nëna ende mundet që brenda një viti ta marr fëmijën përsëri.
 

Anonimiteti është i garantuar. Nuk ka asnjë regjistrim me video. Edhe fotot e foshnjës nuk bëhen publike. Letra e nënës për foshnjën e saj ruhet e mbyllur me kyç.

Për çfarë duhet të mendoj?

Kur ju e vendosni foshnjën në dritaren për bebe, ajo bie në duar të sigurta. Kur fëmija rritet ka dëshirë të mësojë diçka rreth nënës dhe babait të vet. Prandaj, shkruajini atij një letër krejtësisht personale. Përshkruajini rrethanat përse e latë në dritaren për bebe. Gjithashtu, gjatë përshkrimit tregoni shenja dashurie për të. Lëreni letrën pranë fëmijës në dritaren për bebe.

Mos harroni: Sot ju mund të merrni ndihmën dhe këshillimin e nevojshëm në një bisedë private te Ndihma Zvicerane për Nënën dhe Fëmijën (Schweizerische Hilfe für Mutter und Kind), me numër telefoni pa pagesë 0800 811 100, me qëllim që të shpëtohet jeta e një fëmije. Njoftoni dhe do të merrni ndihmën e duhur, në mënyrë të fshehtë dhe anonime.

Duhet të tregoni kujdes edhe për shëndetin tuaj. Një lindje pa ndihmën mjekësore mbart shumë rreziqe. Merrni këshilla nga një mjeke ose mjek profesionist. Nëse ju nevojitet një mjeke ose një mjek i pavarur dhe pa pagesë, njoftoni Ndihmën Zvicerane për Nënën dhe Fëmijën. Aty do të merrni ndihmën e nevojshme.

Ku mund ta gjej sërish foshnjën time?

Në ditët e para pas marrjes, foshnja qëndron në spitalin e Einsiedeln-it, në të cilin kujdesi i treguar për të është i jashtëzakonshëm. Që nga ky moment, Kindes- und Erwachsenenschutzbehörde (KESB) merr përsipër përgjegjësinë për fëmijën. Ai ia beson kujdesin prindërve kujdestarë të dashur dhe me përvojë dhe fillon kërkimin për prindër të përshtatshëm për birësim. Menjëherë sapo gjenden prindërit birësues, foshnja kalon në familjen birësuese.

Ju mund ta kërkoni sërish fëmijën tuaj deri në një vit pas braktisjes së tij. Por edhe pas kësaj kohe, Kindes- und Erwachsenenschutzbehörde e di gjithmonë se ku ndodhet fëmija deri në kohën që ai mbush moshën madhore.

Ju mund t'i drejtoheni Kindes- und Erwachsenenschutzbehörde (KESB) Ausserschwyz, Tel. 041 819 14 60.

 

 

 

Vendndodhja

Statistika mbi foshnjat e braktisura

Në dritaren për bebe në Einsiedeln janë braktisur foshnjat e mëposhtme:

1.Djalë05.09.2002Ora 14:30 2.640 g49.5 cm
2.Djalë11.04.2005Ora 03:253.700 g52 cm
3.Vajzë21.08.2005Ora 11:402.470 g46 cm
4.Vajzë01.08.2008Ora 16:202.470 g46 cm
5.Vajzë22.01.2010Ora 22:231.810 g45 cm
6.Vajzë05.12.2010Ora 11:453.150 g51 cm
7.Vajzë20.02.2012Ora 17:002.250 g52 cm
8.Djalë16.02.2013Ora 12:553.160 g49 cm
9.Djalë04.06.2014Ora 14:152.880 g47 cm
10.Djalë19.02.2015Ora 16:403.320 g49 cm
11.Vajzë18.04.2015Ora 17:453.370 g48 cm
12.Vajzë11.09.2015Ora 19:113.060 g50 cm
13.Vajzë21.07.2016Ora 13:203.210 g50.5 cm
14.Vajzë26.08.2018Ora 11:242.795 g44 cm